بنت المسيح


منتدى مسيحى للترانيم والافلام المسيحية و سماع الكتاب المقدس وتحميل اجدد الترانيم
 
الرئيسيةالتسجيلدخول

شاطر | 
 

 100 % نكت اوعى حد يموت مننا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
jesus is my love



البلد: : لا يو جد مكان

عدد المساهمات : 1470

العمر : 30

شفيعى : العدرا ام النور


مُساهمةموضوع: 100 % نكت اوعى حد يموت مننا   الأحد يونيو 20, 2010 8:51 pm

مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله
**************************************************
واحد غبى معدى على صوان وبيسأل هو فى ايه؟
فرد رجل وقال :ده اربعين واحد ميت
فقال الغبى نهار اسود 40 واحد ماتوا مره واحده
فقال الرجل:لأ ده واحد من اربعين يوم
فقال الغبى : ينهار اسود ولسه بتدفنوه النهارده
فقال الرجل : لأ دول دفنوه من اربعين يوم
فقال الغبى : ياه ولسه قاعدين لحد النهارده
**************************************************
مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمويا
عمو عندك قلم رصاص يقوله ايوة يقوله طيب ادينى قلم جاف. لما الراجل زهقيا عينى
و طلعت عينه فقرر يشتكى لابو الولد. لما ابو الولد جه حكى لهالحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين
**************************************************
مره واحد بلديتنا عايز يغلى اللبن حرق الجاموسه
**************************************************
مستهبل اتجوز مستهبله
جابوا ولد عمل نفسه ميت
**************************************************
مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى جوازكوا الخمسة و عشرين توديها الصين، أومال فى عيد جوازكوا الخمسين هتعمل ايه؟" فقالوا "هروح اخدها"
**************************************************
مسطول سأل واحدة اسمك ايه؟ قالت : أسماء. فقال: يعني ما فيش اسم محدد
**************************************************
الاستاذ : ما معنى كلمة ( سبيل ) ؟ الطالب : طريق . الاستاذ : ممتاز – والآن ما معنى كلمة ( سلسبيل ) ؟ الطالب : طرطريق
**************************************************

نكتة مقرفة شوية
*********
مسطول بيسأل صاحبه هو الزيتون له رجلين ؟؟ قال له : لا ... قال : يبقى انا أكلت خنفسه
************************************************** *
واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده
************************************************** *
في واحد راح يغير أنبوبة بوتاجاز قال لامه ادعيلي قالته روح يابنى ربنا يفتحها فى وشك
************************************************** *
الأول:- نقط بخمسة جنيه و ضرب طلقة رصاص

الثانى:- نقط بعشرة جنيه و ضرب طلقتين

الثالث:- نقط بخمستاشر جنيه و ضرب 3 طلقات

أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة!!!
************************************************** *
ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش
************************************************** *
مرة واحد احول قدم في الجيش عينوه في القصف العشوائي
************************************************** *
واحد سنانه كلها واقعة ما عدا النابين عين علي وظيفة عينوه خرامة
************************************************** *
واحد صيني وقع اتكسر
************************************************** *
واحد رخم نزل الشارع وقف قدام عمود ... قالوه عديني
************************************************** *
واحد أعمى فتّح ... من الفرحة اتشل
************************************************** *
مره واحد صعيدى قابل واحده اجنبيه
سالها : انتى منين
قالتله: وات ؟ what ?
قالها: اجدع ناس الوتاوته
************************************************** *
فى مره واحد صعيدى زغزغ ابنو خرم بطنو
************************************************** *
قابلت مذيعة اثنان مساطيل سالت الاول : مصر بالنسبالك ايه ؟ فقال: مصر دى

امى. ثم سالت الثانى :وانت مصر بالنسبالك ايه؟قال:مأدرش اتكلم عن أم واحد صحبى
**************************************************
كان فيه أمريكي وبريطاني وعراقي في مقهى .....

شرب الأمريكي وفجأة قذف كوبه في الهواء وسحب مسدسه واطلق وكسر الكوب وقال : في امريكا الاكواب عندنا رخيصه لهذا لانحتاج ان نشرب من نفس الكوب مره اخرى

وشرب البريطاني وفجأة قذف كوبه في الهواء وسحب مسدسه واطلق وكسر الكوب وقال في بريطانيا يوجد رمل كثييير لصناعة الاكواب لهذا نحن ايضا لانحتاج ان نشرب من نفس الكوب مره اخري

اما العراقي كان هادي وبارد لأبعد حد ... شرب القهوة وفجأة قذف كوبه في الهواء وسحب مسدسه وأطلق النار على الأمريكي والبريطاني وقال :في بغداد عندنا امريكان وبريطانين كتير لهذا لانحتاج ان نشرب القهوة مع نفس الأشخاص مره اخرى
*************************************************
مره واحد بارد قوى ركب اتوبيس شاف بنت حلوه قعده بصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى
*************************************************
*غبي خطف غبيه ركبها العربيه فضلت تصوت قالها : هتسكتي ولا انزلك؟ قالت له :لاهسكت.


* ومازال الخبراء الصعايدة فى لبنان محتارين الى الآن هل الذي مات الحريري ام رفيقه


عرض فودافوت للامتحانات.. ليه تشيل ماده لما ممكن تشيل اتنين ؟؟ ليه تشيل لوحدك لما ممكن تشيل انت واصحابك؟؟ مع نظام افشل ناس اختار 3 من اصحابك يشيلومعاك؟؟


* صعيدى قاعد على الشط شاف واحد بيغرق كل مايرفع ايده يقوله : وعليكم السلام!!!!




* مرة اتنين مجانين واحد فيهم رسم اسد على قلبه التانى قاله انت مش خايف لياكلك قاله لا انا راسمه من غير سنان.


* واحد امريكى اخترع اله بتصيد الحرامية جربها فى امريكا اصطادت 50 جربها فىقطر اصطادت 100 جربها فى العراق اصطادت 500جربها فى مصر المكنة اتسرقت.


* واحد مسطول شاف قطةاخدها البيت لمراته وقالها : شايفة القرد؟؟ قالتله : دى قطة يا منيل قالها : انابكلم القطة هو حد كلمك.

* عروسة هبله دخلت القاعة بتجرى بيسالوها ليه بتجرى ؟؟؟ قالتلهم بلحق كرسى.


* مجموعة صعايده ماتواغرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين.


* واحد كسب مليون جنيه راح لمراته يفرحها ماتت من الفرحه قال سبحان الله الخير لماييجي ييجي مره واحده

مره واحد اشترى لمبه مسمار دقها في الحيط

مره واحد بلديتنا لقى خاتم سليمان جه يدعكه فعص العفريت

عشرة صعايدة بيتعلموا ربط الكرافتات تسعة ماتوا وواحد فى حالة حرجة

مرة واحد بلدياتنا الباب افل على صباعه الباب ازرق

واحد بلديتنا خلع العمة فقد الذاكرة

واحد حب يصطاد ارنب - قلد صوت الجزر

ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح

فار محشش قال : كل القطط تحت جزمتى لقى وراه قط اسود قال الا ابو سمره حبيبى

واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب

مره واحد بيحشش بيقول لصحبه امبارح جيت اسحب نفس قالوا لى ملكش رصيد
مستنى الردووووووووووووووود
[b][center]
الرجوع الى أعلى الصفحة اذهب الى الأسفل
http://wwwwwww.banouta.net
kapo_love



البلد: : مصر

عدد المساهمات : 2

العمر : 28

شفيعى : البابا كيرلس


مُساهمةموضوع: رد: 100 % نكت اوعى حد يموت مننا   الخميس أغسطس 05, 2010 2:36 am

جميل جدااااااا ربنا يعوضك
الرجوع الى أعلى الصفحة اذهب الى الأسفل
Mysterious girl



البلد: : لا يو جد مكان

عدد المساهمات : 11

العمر : 22

شفيعى : القديسة بربارة


مُساهمةموضوع: رد: 100 % نكت اوعى حد يموت مننا   الخميس يونيو 23, 2011 8:00 am

هههههههههههههههههههههههههه

بجد النكت رووووعة

شكررآ كتيير ع موجهودك الجميل
الرجوع الى أعلى الصفحة اذهب الى الأسفل
 
100 % نكت اوعى حد يموت مننا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنت المسيح :: القـــــــــــــسم الترفـــــــــــيهى :: نـكـت وطـرائــف-
انتقل الى: