كل واحد فينا عارف ان جواه حاجه اسمها العقل الباطن وطبعا كلنا عارفين امكانيات العقل الباطن ولا انت مش عارف امكانياته ؟ لو مش عارف امكانياته انا ممكن اقولك عقلك الباطن ده زى الحصاله الى بتحوش فيها كل المعلومات الى اتعلمتها طول حياتك بس لازم تكون المعلومات الاساسيه او البدائيه مثلا تعليم الكتابه والقرايه مثلا كمان المشى و السواقه و كمان اسمك ده محفور جوا عقلك الباطن بدليل انك لما تسمع مجرد بس حد نده اسمك مع انه ممكن يكون مش يقصدك تلاقى نفسك تلقائى بتلتفت حواليك تعرف مين الى بيردد اسمك دى باختصار تعريف بعض مهام عقلك الباطن طبعا لو اتكلمنا كتير عنه مش هنخلص كلام لانه فعلا نعمه ربنا اداهلنا لنتميز بها تعالوا بئه نفتكر مع بعض شويه حاجات حصلت معاك فاكر لما كان بيبقى عندى مشكله وشاغله كل تفكيرك طول اليوم وتيجى تنام بليل وتصحى تلاقى نفسك معاك الحل بتاع المشكله بتحصل كتير فاكر لما فكرت فى حد غالى عليك وشغل معظم تفكيرك لقيت نفسك بتحلم بيه وهكذا ده عقلك الباطن نرجع بئه لعنوان موضوعنا عقلك الباطن غبى احيانا تعالوا نفكر يعنى ايه غبى وليه اصلا غبى وازاى غبى عقلك الباطن غبى لانه مش بعيرف يفرق بين الاحداث وهو بمجرد انك شوفت حدث بيسجله تلقائى مهما كان انا عارف انك دلوقتى وانت بتقرا كلامى استرجعت موقف جه على بالك ودايما فاكره ودايما بيتردد فى زهنك كتير ده ياسيدى اسمه عقلك الباطن وذاكرته الدائمه
هقولك مثال يوضحلك ان عقلك الباطن غبى لما تيجى تفتح فيلم رعب وتندمج فيه تلاقى نفسك مع كل حدث مفاجئ يحصل فى الفيلم تتخض وتزعل لزعل البطل وتفرح لفرح بطل الفيلم مع انك عارف ومتاكد ان كل الى بيحصل قدامك ده كله تمثيل يبقى ايه الى خلاك تزعل لزعل البطل وتتخض لما تشوف حاجه مرعبه فى الفيلم بالظبطه كدا عقلك الباطن سازج مش بيعرف يفرق بين الاحداث هو مجرد تقوله يمين يبقى يمين شمال يبقى شمال تتفرج على فيلم يحطك فى الاحداث
كده احنا وضحنا مدى سزاجه العقل الباطن ايه بئه المميزات فى كده المميزات هى انك تقدر تضحك عليه وتبرمج حياتك زى ماتحب مثلا انت وزنك 90 كيلو وعاوز توصل ل 80 كيلو .. تعد يوميا تقول انا وزنى 90 انا وزنى 90 وتكرر وتكرر لحد ما تقنع عقلك الباطن انك خلاص اتبرمجت على ال 90 كيلو وبالتالى اى فقد فى الوزن يحصل معاك يقوم جسمك تلقائى مراكم دهون تانى علشان يعوض الفقد ده لانه مقتنع انه 90 كيلو وغير كده يبقى مش مظبوط سمعت عن مصطلح تثبيت الوزن ده بيستخدمه الدكتور لما يقدر يوصلك للوزن المثالى ويعد يوميا يوقفك على الميزان وتشوف وزنك المثالى ده لحد ما تبدا تقتنع ان انت خلاص عمرك ما هتزيد ولا تقل عنه
وبكده انك خدعت عقلك الباطن انه يتطوع لخدمتك انت مش ضدك اثبتت البحوثات ان الحاجه الى تتكرر فى حياتك لمده 21 يوم يتتخزن وبتبقى مصدق بيها فى عقلك الباطن مثلا لو فضلت تقول لنفسك انا وزنى 70 كيلو لحد ما اقنعت نفسك انك وزنك 70 كيلوا بالرغم انك 90 وبعدت عن الميزان لمده 21 يوم وكل يوم تقول لنفسك انا رشيق انا وزنى 70 كيلو بالظبط هتحس بالتغير فى جسمك بعد ال 21 يوم دول جرب ومش هتندم بالظبط تقدر تطبق النظريه دى مش على وزنك بس لا على علاقاتك على صحتك تقنع نفسك انك ممتاز وتكرر الموضوع لمده 21 يوم هتلاقى نفسك حسيت بتغير فى تفكيرك علشان يتوافق مع جملته ان انت ممتاز انا عن نفسى بقول بستخدمها لما احب اصحى بدرى قبل ما انام اقول انا عاوز اصحى الساعه 7 الصبح واعد افكر فى كده قبل ما انام ومن غير اى منبهات او حاجه بصحى قبل المعاد وببقى فى قمه نشاطى جرب تستفيد من عقلك وقدراته هتلاقى حاجات كتيره بتتغير فى حياتك كل انسان عنده الاوبشن ده بس مين الى يستغل بئه
موضوع: عقلك الباطن غبى احيانا 
الخميس يونيو 24, 2010 6:22 pm