مأكولات صيامى

سمك مشوى على السيخ

المقادير

4 بصلات مقطعة اجزاء كبيرة
عصير ليمون كتير حوالى اربعة
زيت _ ملح _ كمون
فلفل اخضر حامى
ملعقتين طماطم متسبكة
كيلو سمك فيليه مقطع مكعبات اى نوع وممكن جمبرى
طماطم صغيرة اوى وكتير شوية حوالى كيلو
شرائح ليمون
وممكن قطع كوسة كمان او اى خضار قطع

الطريقة بقى
يبشر البصل ويخلط مع الليمون وزيت والفلفل والكمون وصلصة الطماطم
يوضع السمك فى الخليط ويترك لمدة ساعة على الاقل ويستحسن اكتر
توزع قطع السمك على اسياخ ومعاها ثمر الطماطم والكوسة وشرائح الليمون
وتدهن بالزيت وتوضع على الفحم او على الشواية بعد تسخنهم طبعا
تترك لمدة عشر دقايق وتقلب الاسياخ على جميع الاوجه لتصبح لون السمك الى اللون الذهبى
ويقدم مع ارز السمك وسلطة الطحينة
وبالف هنا وشفا
اعتقد اكله حلوة وسهلة

تحضير المشروم

تحضيرة

وليس اكله(زى المفروم المعصج)
المكونات
مشروم
بصل
توم
ملح
زيت

شوفتوا ازاى بسيطة

1- الاول هجيب المشروم واكيد هيكون معلب واشوف اللى مكتوب على العلبة الاول قبل تحضيرة
وبعدين اقطعة الى قطع صغيرة
ونكون محضرين الزيت على النار ومشوحين فيه البصلة وعليها التوم ونقلبهم كويس مع بعض
2- وبعدين نحط المشروم عليهم ونسيبه يستوى شوية
بطبيعة المشروم انه طرى ولكن ممكن يحتاج الى كمية بسيطة من المية للنضج
وبعد كده ممكن استخدمة فى اى حاجة انا عاوزة اعملها
وهقدم ليكم طرق واجبات حلوة اوى للمشروم

يخنه المشروم

المقادير

نص كيلو مشوم متقطع ترنشات
نص كيلو فاصوليا متقطعه و مسلوقه بميه و ملح
بصل ترنشات متشوح احمر او بني فاتح
2 معلقه نشا
1و نص كبايه لبن صيامي (صويا ميلك) او (كريمر بميه 4 معالق كبار علي الكبايه)
2 معلقه سمنه صيامي
ملح

الطريقه

يشوح المشروم بالسمنه يضاف عليه الفاصوليا ثم النشا و نشوح نحط اللبن و ملح حسب الرغبه و نقلب لحد ما يتقل ثم يوضع في الفرن من تحت ربع ساعه و نطلعه نحط علي وشه البصل و ندخله خمسه تاني يقدم مع رزة على حرارة 180

ملوخية صيامي تجنن ________________________________________
المقادير نصف كيلو ملوخية خضراء وبصلة ومعلقة صلصة ومكعبان مرقة خضار وماء وملح وفلفل وتوابل

وزيت وثوم وكسبرةناشفة الطريقة :- تشوح البصلة المبشورة في الزيت حتي تصفر ثم نضع الماء مع

الصلصة ومكعبان المرقة والملح والفلفل والتوابل وبعد ان تغلي هذة المكونات نضيف الملوخية

المخروطة وما نقلبهاش كتير عشان ما تسقتش وبعد كدة نكون مجهزين تاسة ونحط فيها الزيت و الثوم

والكسبرة الناشفة وتشوح علي النار حتي تحمر ثم تقلب في حلة الملوخية ثم تغطي الحلة بسرعة

عشان نحتفظ بريحة الثوم داخل الملوخية

شوربه عدس

الكميه 6 اشخاص

المقادير

2كوب عدس اصفر
بصله متوسطه
2 جزر مقشر ومقطع
6 كوب ماء
1 ونصف ملعقه صغيره كمون
1ملعقه كبيره كسبره حب
1ملعقه كبيره زيت زيتون
1ملعقه صغيره توم مقطع ناعم
ملح حسب الرغبه

طريقه التحضير

ا_يغمر العدس بالماءفى حله علىنار متوسطه الحراره حتى يصل الى درجه الغليان ثم تخفف النار
2_يضاف البصل ، الجزر، الكمون،الكسبره ،التوم
3_ لما يستوى العدس نسيبه يبرد ونضربه فى الخلاط
4_نجيب طاسه وفيها شويه زيت ونحمر فيها بصله كبيره متقطعه ضغير وشويه كسبره ناعمه ولما تحمر خفيف
مش اوى تقلبها على خليط العدس ونخليها شويه صعيره على النار

» حواوشى صيامى
» كيك بصوص البرتقال صيامى
» أكلات صيامى من كل بلدان العالم